VIGAN CITY – Nagpulong ni Maricar Aytalin, 26, balasang, sekretaria ti Lazaro and Ragasa Clinic a natakaw ti P12,000 a koleksionna ket suspetsana a ti babai a napan nangipatsek-ap iti anakna ti nangala.
Segun iti inbestigasion, kalpasan ti pannakatsek-ap ti ubing nga agtawen ti dua, dinawat ti babai nga aggianda pay iti klinika ta adda ur-urayenda.
Pinanawan ti sekretaria dagiti agina ket napan nangaldaw. Idi agsubli, awanen dagiti agina. Naluktan metten ti drawer ti lamisaanna a nakaikabilan ti kuarta.
Mapapati a nakatulbek ti drawer ngem nabati ti sekretaria ti tulbek idi napan nangaldaw.#