Kolumnista ti Tawid News, nangabak iti Pasalip Alviya iti Sarita

Nangabak iti Special Prize ti maysa a kolumnista ti Tawid News Magasin iti 2013 Pasalip Alviya iti Sarita.

Inyalat ni Jobert M. Pacnis ti Special Prize babaen ti insalipna a sarita, “Ti Bituen nga Arapaap ni Lilang Utiang”.

Tubo iti Ballesteros, Cagayan, maysa ni Pacnis nga electronics communications engineer ken mangisursuro.

Awan ti napili a sarita a pakaiyawatan ti umuna, maikadua, ken maikatlo a gunggona.

Maiyawat ti premio ni Pacnis  bayat ti Maika-45 a Gumil Filipinas Convention and Literary Seminar a maangay iti Gonzaga, Cagayan inton Abril 19-21, 2013.#