Kompania ti komunikasion, indiayana libre a wifi iti PUVs

VIGAN CITY – Mabalinen dagiti pasahero ti aginternet bayat ti panagbiaheda iti pampubliko a sasakayan babaen ti pannakaipasdek ti wifi connection kadagitoy a lugan.

Itay nabiit, indiaya ti Smart Communication ti pannakaipasdek ti libre a wifi kadagiti public utility vehicles a pakairamanan dagiti minibus ken van tapno makainternet dagiti pasahero bayat ti panagbiaheda nga agpa-Vigan wenno aggapu iti siudad.

Kapaliiwan a bayat ti panagbiahe dagiti estudiante ken dadduma a propesional, kayatda ti ag-research mainaig iti leksionda wenno trabahoda ngem saanda a makakonek iti internet gapu ta awan ti libre a wifi iti lugan.

Segun iti maysa a bus operator, dakkel a pangawisda kadagiti pasahero no adda maipasdek a libre a wifi iti luganda.#