Footer

Konsehal, naalarma iti panagraira ti dengue iti Sinait

SINAIT, Ilocos Sur – Naalarma ti maysa a konsehal gapu iti panagraira ti dengue iti daytoy nga ili.

Tallo nga ubbing ti natay idinto a 33 ti nagsakiten iti dengue ditoy nga ili manipud Hulio agingga iti Setiembre, segun iti municipal health office ditoy.

Iti privilege speech ni Konsehal Jose “Pepito” Zapata, binabalawna dagiti junkshop a posible a pagtataudan dagiti lamok nga agiwaras iti dengue kasta met iti saan a pannakadaldalus dagiti kanal iti tiendaan.

Indagadag ti MOH ti fogging operation ken panangiwayat iti 4’clock habit tapno malapdan ti panagraira ti dengue iti daytoy nga ili. (Nemia Icari)