Footer

Konsehal, napilaan illegal a panagikut iti paltog

BANTAY, Ilocos Sur – Sabali manen a kaso ti naipila iti maysa a sangguniang bayan member ti Santa Maria, Ilocos Sur nga immun-unan a napilaan iti kaso a pammapatay.

Iti interbio kenkuana ti DZTP Radio Tirad Pass, impalgak ni PNP Provincial Director Police Senior Supt. Eduardo Dopale, Jr. a napilaan ni SBM Ceferino Bedar iti kaso nga illegal possession of firearm.

Sakbayna, naisayangkat ti panagsukisok iti balay ni Bedar iti Barangay Butir, Sta. Maria, Ilocos Sur a mapapati a nakakumpiskaan dagiti polis iti maysa a paltog a mapapati a nagpason ti lisensiana.

Iti pannakaisurat daytoy, nakadetene ni Bedar iti police provincial headquarters.

Immun-una ngem daytoy, napilaan ni Bedar iti kaso a pammapatay gapu iti aksidente a pannakapaltogna iti maysa a kalugaranna a puon ti nakatayan daytoy.#