Konseho ti Vigan, napili a Best Legislative Body

VIGAN CITY – Napili itay nabiit daytoy siudad a kas Best Legislative Body iti probinsia ti Ilocos Sur.

Kinuna ni Vice Mayor Lourdes “Lulu” Baquiran a dakkel a pakaidayawan ti konseho ti Vigan ti pannakapilina a Kasayaatan a Pagpandayan-Linteg iti sibubukel a probinsia idinto nga innayonna a dakkel ti naitulong dagiti konsehal iti daytoy a pammadayaw agsipud iti kinagagetda nga agputar kadagiti gakat a saan laeng a makaited iti pagimbagan kadagiti residente iti Vigan City no di pay mabalin a pagtuladan dagiti konseho dagiti sabsabali a probinsia ken siudad.

Kinuna ti bise mayor a gapu iti pannakapili ti siudad ti Vigan a Best Legislative Body, aglasat daytoy iti evaluation tapno makisalip iti nangatngato a benneg.#