SINAIT, Ilocos Sur – Indagadag ti maysa a konsehal ditoy ti pannaka-blacklist dagiti kontraktor a nakaiyawatan dagiti proyekto ti gobierno munisipal ditoy ngem saan a nasayaat ti pannakatrabahoda.
Kiniddaw ni Konsehal Orlino Ines dagiti nagan dagiti kontraktor nga adda nagkurangan dagiti proyekto a trinabahoda idinto nga indariragna a simpaen dagiti kontraktor dagiti trinabahoda a proyektoda tapno saanda a mairrekomenda a ma-blacklist iti sangguniang bayan.
Mapapati nga adda dagiti proyekto ti gobierno munisipal ditoy a nai-bid kadagiti kontraktor a saan a nasayaat ti pannakatrabahona.#