Footer

Kontratista, napapatay

VIGAN CITY – Maysa a pribado a kontratista ti napapatay iti rabii ti Marso 2 iti sanguanan ti balayda iti Barangay Ayusan Norte ditoy a siudad.

Segun iti report, kadisdissaag ni Esmando Uy, 65, naasawaan, kontraktor, iti luganna a Tamaraw FX idi pinaltogan ti maysa a lalaki a naglugan iti single motor.

Naitaray ni Uy iti Metro Vigan Cooperative Hospital ngem saanen a naidanon ti biagna.

Nakarekobre dagiti polis iti tallo a kapsula iti nakapasamakan ti krimen.

Iti pannakaisurat daytoy, di pay ammo ti kinaasino ken motibo ti nangisayangkat iti pammapatay.#