Kooperatiba, tinakawan ti store keeper

TAGUDIN, Ilocos Sur – Naireport a natakawan ti Barangay Lacong Cooperative Store idi Agosto 4 ket maitudtudo ti store keeperĀ  a kangrunaan a suspek .

Innaganan ni Elpidio Labador Laza, 51, naasawaan, presidente ti Barangay Lacong Cooperative Store ti suspek aĀ  maysa a Janet Sanibad Kinao, 45, store keeper, natibo ti Baroro, Isabela ngem agnanaed iti nadakamat a barangay.

Innayon ni Labador a nakurimes ti agdagup iti nasurok a P25,000.00 a naglakuan ti kooperatiba.

Mapukpukaw pay ti listaan a nakailanadan dagiti kameng nga adda utangna iti kooperatiba.

Naduktalan ti panagtakaw idi Hulio 22 agsipud ta saan a napan naglukat ti suspek.

SegunĀ  met ken ni Eufrosenio Cuaresma, kalib-in ti suspek, dinan nariingan ni Sanibad idi Hulio 22. Naammuan ken ni Cuaresma a sakbay a di nagpakpakada a pimmanaw ni Sanibad, nagririda gapu iti utang daytoy agraman ti naisaldana a tablet.

Agtultuloy ti panagimbestiga dagiti polis mainaig iti panagtakaw iti kooperatiba.#