Footer

Koreano, nairamraman iti aksidente

VIGAN CITY – Nairamraman a nadunor ti maysa a sangaili iti panagdinnungpar ti pick-up ken motorsiklo iti nagkurusan dagiti dua a kalsada ditoy.

Naammuan iti inbestigasion nga insayangkat dagiti polis ditoy nga agpalaud a direksion ti Mitsubishi pick-up a minaneho ni Tomas Riniego, 40, residente iti Cabittaogan, Sta. Catalina, Ilocos Sur idinto nga aggapu iti amianan a direksion ti chop-chop a motorsiklo a minaneho ni Elmer Bersamin, 21, baro, residente iti San Ildefonso, Ilocos Sur ket nagdinnungparda iti nagkurusan ti Liberation Blvd. ken Gov. A. Reyes Street ditoy.

Natulid ti motorsiklo ket nadungparna ti maysa a sangaili a Koreano  a magmagna iti igid ti kalsada.

Naitaray ni Bersamin ken ti Koreano iti Lahoz Clinic and Hospital para iti pannakaagas iti dunorda.#