Footer

Kotse naidungpar iti poste gapu iti bulos nga aso

NARVACAN, Ilocos Sur -Naidungpar ti maysa a kotse iti poste gapu iti bulos nga aso iti national highway ti Barangay Lungog, ditoy nga ili.

Segun iti inisial nga inbestigasion dagiti polis ditoy, agturturong iti abagatan a direksion ti Nissan Frontier a minaneho ni Leonor Bachiller y Valera, 45, naasawaan, negosiante, residente iti Barangay Palao, Bangued, Abra idi maysa nga aso ti bimmallasiw ket iti pananglisi ti biktima, dina nakontrol ti manibela a puon ti nangdungparanna iti poste ti elektrisidad, sa ti maysa a flower box ken pannakaitapuak ti lugan iti bakante a lote.

Nupay saan a nasugatan ni Bachiller, nakaro ti dadael ti luganna.#