Footer

Kritiko ti ISECO, nagtugaw a board of director

SANTIAGO, Ilocos Sur – Maysa a personalidad iti broadcast media a masansan a mangbabbabalaw iti kooperatiba ti elektrisidad ditoy probinsia ti nagtugaw a kabarbaro a kameng ti board of directors itay nabiit.

Pormal a nagtugaw ni Romeo “Jun” Ramos, anchorman ti Barangay Commando Brigada,  idi General Assembly ti Ilocos Sur Electric Cooperative Inc. a naangay iti main office daytoy kooperatiba idi Disiembre 10.

Awan ti kinasango ni Ramos idi nagkandidato a kameng ti board of directors para iti district area a sakupen ti Vigan City, Caoayan, San Vicente, Sta. Catalina ken Bantay.

Sinuktan ni Ramos ni dati a board director Cirilo Parra a saanen a nagkandidato.

Iti kallabes, puntiria ti pammabalaw ni Ramos dagiti sumagmamano a polisia ti ISECO agsipud ta mapapati a pakadaksan dagiti consumers ti kooperatiba, nangruna dagiti marigrigat.#