CANDON CITY – Linagip manen dagiti i-Candon ti nagramutan ti pulida babaen ti panakarambak ti tribal festival a naangay itay Disiembre 28, 2007 idiay barangay San Andres, ditoy.
Naisayangkat ti medical mission, salip iti panagaramidan iti tapey, cultural dance, ken traditional games kas iti sanggol, torsi, ken ginnuyodan a makunkuna a kaunaan a kita ti isports kadagiti Bago.
Karaman a nakipartisipar iti parambak dagiti barangay a kameng ti tribu dagiti Bago a pakaibilangan ti barangay Amguid, Bagani Gabor, Bagani Tocgo, Bugnay, Calaoan, Cubcubbuot, Palacapac, San Andres ken Santo Tomas.#