Kustomer ti videoke bar, nakumpiskaan iti paltog

CANDON CITY – Maysa a paltog ti nakumpiska iti maysa a kustomer iti uneg ti videoke bar ditoy siudad idi Hunio 3.

Nakumpiska dagiti nagresponde a polis ti maysa a cal. 45, Armscor, addaan 16 a bala, ken ni Rolando Bayaya, 45, residente iti Daldagan, Galimuyog bayat ti kaaddada iti Grandstelle Videoke Bar iti nadakamat a petsa.

Segun iti panagimbestiga dagiti polis, idi simrek da Bayaya  ken Dennis Langoey, 55, residente iti Poblacion, Galimuyod iti videoke bar, nasiputan ti guardia nga adda nagtammukol iti siket ti immuna ket intimbrena kadagiti polis.

Iti panagimbestiga dagiti polis, nakanagan ken ni Langoey ti paltog a nakumpiska dagiti polis iti ikut ni Bayaya.

Agpatingganto pay la inton Hunio 12 ti election gun ban.#