Kutit ti bus, dinungpar ti Strada, 5 nadunor

STA. LUCIA, Ilocos Sur –  Lima a tattao ti nadunor idi dinungpar ti naglugananda ti maysa a bus iti national highway a sakup ti Barangay Sabuanan, ditoy nga ili iti rabii ti Agosto 26.

Naitaray dagiti naglugan iti Mitsubishi Strada iti Rezonable Hospital, Candon City a pakaibilangan da Mour Villalobos y Caslangen, 32, drayber, ken residente iti San Antonio, Candon City; Ronnie Gabuat y Antolin, 27, single, residente iti Brgy Sabuanan, Sta Lucia; Richard Miguel y Torda, 32 , single, residente iti Brgy Labut, Lidlidda; Beverly Peralta y Manzano, 34, single, residente  Brgy San Jose, Candon City; ken Janine Villarose y Panganiban, 25, single, residente iti Brgy Poblacion, Suyo, Ilocos Sur.

Iti inbestigasion, agpada nga agpaamianan dagiti dua a lugan, immuna ti Florida bus idi dinungpar ti Estrada ti kutit ti bus a nakaigapu iti pannakadunor dagiti naglugan iti Mitsubishi Estrada.

Saan a naan-ano dagiti naglugan iti Florida Bus.

Segun iti report, positibo a nakainom iti arak ti drayber ti Mitsubishi Estrada.#