Laborer, binagsol ti kabsatna

STA. CATALINA, Ilocos Sur – Nagtungpal iti pammagkong ti panagriri dagiti agkabsat nga agpada a nakainum a puon ti nakayospitalan ti maysa.

Segun iti report, nakarurod ni Roy Rebaula y Romero, 24, baro, gapu iti panangbasbassawang kenkuana ti kabsatna a ni Jimmy, 29, ket binatona ti manongna iti plato.

Nagdinnisnog dagiti agkabsat a nagresulta iti panangbagsol ni Jimmy iti kabsatna a nakasugatan ti makannigid a paset ti ulo ti biktima.

Naitaray ti biktima iti Recel Medical Clinic para iti pannakaagas ti sugatna idinto a dagus a naglibas ti suspek.

Nupay kasta, natiliw met laeng ti suspek gapu ta adda nangipulong iti polis idi nagsubli iti balayda.#