Laborer, tinagbat ti kayongna gapu iti riri iti basura

GALIMUYOD, Ilocos Sur – Riri iti basura ti gapu ti nangtagbatan ti maysa a trabahador iti kayongna sadiay┬á Sitio Guimod, Barangay Rubio idi malem ti Oktubre 1.

Naitaray iti Candon City Hospital ni Daniel Gamisera y Amata, 20, naasawaan, laborer, ken residente iti nadakamat a lugar gapu iti sinagrapna a sugat iti makannawan a paset ti mugingna maigapu iti panangtagbat kenkuana ti kayongna a ni Roberto Soriano, trabahador met laeng.

Sakbay ti pannagbat, nagriri da Gamisera ken ti kabsatna gapu iti basura ket gapu iti panagsaosao ti babai, nadisnog ni Gamisera.

Napan nagpulong ti babai ken ni Soriano nga agtrabtrabaho iti Candon City ket naggawid daytoy iti pangaldaw.

Mapapati a napan ti biktima iti balay ti suspek tapno agpatangda mainaig iti panagririda nga agkabsat ngem kellaat a nangala iti bolo ni Soriano sana tinagbat ti kayongna.