Our Lady of Manaoag Shrine, naital-o a minor basilica

MANAOAG, Pangasinan – Naital-o a minor basilica ti The Marian Shrine of Our Lady of the Rosary of Manaoag itay Pebrero 17, 2015.

Immuna ngem daytoy, idi Oktubre 11, 2014, inkawes ni Pope Francis ti titulo a “basilica minore” iti nasao a shrine, sakbay ti ibibisitana iti Pilipinas idi Enero 15-19, 2015.

Maselselebraran ti piestana iti maikatlo a Mierkoles kalpasan ti Panagungar, naipuesto iti nangato nga altar ti mapapati a milagroso nga imahe ti Our Lady of Manaoag wenno Apo Baket.

Addan sumagmamano a basilica iti pagilian a pakaibilangan ti Manila Cathedral iti Intramuros, ti Basilica de San Martin de Tours iti Taal, Batangas, Simbaan ni San Sebastian iti Quiapo, Basilica del Santo Nino iti Cebu C ity ken Minor Basilica of Black Nazarene iti Quiapo.#