Lakay, biktima ti panagsipdut

CANDON CITY – Nagpulong iti polis ti maysa a lakay gapu iti pannakasipdotna bayat ti panagurayna iti luganna iti paradaan ti Barangay San Antonio itoy a siudad.

Iti pulong ni Antonio Gayaden Dominee, 80, residente iti Barangay Sibsibbu, San Emilio, Ilocos Sur, kinunana nga agur-uray iti dyip a paglugananna nga aggawid idi adda immabay kenkuana a dua a lalaki.

Segun iti biktima, sana la naduktalan nga awanen ti petakana a naglaon iti P11,500 a cash, greencard a US ken Phil. ken sumagmamano dokumento idi nakapanaw dagiti di nabigbig a suspetsa.#