Footer

Lakay, nasarakan a naiwalang

MAGSINGAL, Ilocos Sur – Nasarakan ti bangkay ti maysa a lalaki iti uneg ti kalapawna iti Barangay Bussawit ditoy nga ili iti sardam ti Hulio 12, 2010.

Nagsagrap ni Federico Unciano y dela Cruz, 64, mannalon, presidente ti gunglo dagiti barangay tanod, iti nadumaduma a sugat ken mapapati a napang-or pay iti kuatro kantos a botelia ti Ginebra San Miguel.

Nakarekobre pay dagiti inbestigador iti uneg ti kalapaw iti 19 bala para iti cal. 9 mm, 13 a naipaputok a cartridge ti 9 mm, 9 a kapsula ti cal. 38, 10 kapsula ti cal. 22, 5 capsula ti gauge 12 shotgun, 57 kapsula ti cal. 30 carbine, 1 bala ti cal. 22 ken 1 di ammo a bala.

Mapapati a trianggulo ti ayat ti motibo ti pammapatay.#