SANTA, Ilocos Sur – Riri dagiti annak ngem nakiraman ti maysa a lakay ket pinaltoganna ti kinariri ti anakna.
Ita, posible a makasuan ti suspek a mabalin a pakaikursonganna iti pagbaludan.
Segun iti police blotter, sakbay ti pammaltog, nagprobokar ni Melanie Adviento, anak ni Onofre Adviento y Adviento, 77, balo, residente iti Barangay Mabilbila Norte, ket mapapati a nakarurod ti kaarrubada a ni Arsenio Adviento y Buenio, 40, naasawaan a puon ti nangkomprontaranna ken ni Melanie a mapapati nga adda iti babaen ti inpluensia ti arak.
Nakita ti lakay ti panagriri dagiti dua ket innalana ti paltogna a cal. 45 a nagmarka iti Armscor sana pinaltogan ti biktima a nakapuntaan iti ima daytoy.
Naitaray ni Arsenio iti Metro Vigan Cooperative and Hospital idinto a boluntario a simmuko ti suspek kadagiti nagresponde a polis.
Mapapati a dati a susik ti ramut ti pammaltog.#