Lakay, pinaltoganna ti bagina

MAGSINGAL, Ilocos Sur – Gapu iti mapapati a kinakaro ti sakitna, kinettel ti maysa a lakay ti biagna babaen iti paltog iti uneg ti pagtaenganda sadiay Barangay Caraisan, ditoy nga ili idi malem ti Enero 8,

Nasarakan laengen ni Cesar Talania a nadigos ti amana a ni Orlando Talania y Taong, 62, naasawaan, ken residente iti nadakamat a lugar a nadigos iti bukodna a dara iti uneg ti kuartona idi agarup 1:00 ti malem ti nasao a petsa.

Narekobre iti asideg ti biktima ti maysa a cal. 38 nga addaan iti bala ken kapsula iti chamberna .

Segun iti anak, agsagsagaba ti amana iti nakaro a sakit ngem saan a nailanad iti report no ania ti sakit ti lakay.

Naipan ti lakay iti maysa a funeral home para iti pannakaautopsiana.#