Lako ti tindera, nasamsam

CANDON CITY – Inaresto dagiti polis ti maysa a baket nga aglaklako kadagiti natnateng ken karne iti igid ti national highway ditoy siudad idi aldaw ti Agosto 21 ditoy.

Inaresto dagiti polis ni Anita Rusiana y Tudayan, 52, naasawaan, ken residente iti Barangay Bugnay, ditoy siudad, gapu iti panaglabsingna iti City Ordinance No. 408 a mangiparit iti panaglako iti nateng, karne, prutas, ken ikan iti aniaman a kalsada iti City proper.

Kinumpiska pay dagiti  polis dagiti lako ni Rusiana nga uppat a kilo nga utong, k kilo a laya, 3 kilos a tarong, 2 kilos a kalamasi, ken 36 a sweet corn.#