Lalaki a nadanog, nag-comatose, natay

CANDON CITY – Maysa a lalaki ti nag-comatose gapu iti pannakaitupa ti ulona kalpasan a dinanog ti maysa a lumugar iti Barangay Bagani Ubbog ditoy a siudad.

Nainanaganan ti biktima a ni Nestor Naungayan, 20, agtrabtrabaho iti San Fernando City, La Union idinto a nabigbig ti suspek a ni Henry Calindas, residente iti nadakamat a barangay.

Iti inisial nga inbestigasion, aksidente a naiggaman ti biktima a metal brace ti kabsat ti suspek, ket dinanog ti naud-udi ti biktima a nakatuangan daytoy ken nakaitupaan ti ulona.

Mapapati a napukaw ti biktima ti puotna, sa nagsakit ti ulona ken nagbakkuar ket naitaray iti San Fernando City ngem natay iti ospital a nakataminganna.#