NARVACAN, Ilocos Sur – Maysa a lalaki ti binugbog dagiti tattao gapu iti pananggandatna a mangsipdut iti kuarta ti maysa a lalaki iti periaan ditoy.
Segun iti report, napan nakisugal ni Ronnie Salas, 22, residente iti Barangay Camarao ditoy nga ili ngem naabak.
Mapapati a ginandat ni Salas nga itaray ti P500 a kuarta ni Benigno Asuncion ngem kinamat dagiti tattao sada binugbog.
Naipaagas nga immuna iti ospital ti biktima sa naipan iti police station para iti pannakapalutpotna.#
