Lalaki a nagikut iti marihuana, nakasuan

TAGUDIN, Ilocos Sur – Nakasuan ti maysa a lalaki a nasukalan nga adda ikutna a bricks ti marihuana iti uneg ti maysa a videoke bar iti Barangay Rizal ditoy nga ili idi Enero 26.

Napilaan iti kaso a panaglabsing iti Section 5 ken 11 iti Article II ti RA 9165 iti provincial prosecutor’s office ni Crisencio Saliw-a y Taule.

Maipalagip a nasukalan ni Saliw-a nga adda ikutna a lima a bricks ti bulong ti marihuana a nabungon iti cellophane ken naputipotan iti scotch tape nga agpateg iti P15,000 iti uneg ti Chizel Eatery and Videoke bar a masarakan iti Barangay Rizal.

Addan ti suspek iti kustodia ti polis ditoy nga ili.#