Lalaki a nagtagipaltog, tiniliw dagiti polis

NARVACAN, Ilocos Sur – Tiniliw dagiti polis ti maysa a lalaki a nagtagipaltog idi rabii ti Agosto 20 iti Sitio Cabatto, Barangay Ambulogan, ditoy nga ili.

Nakumpiska iti ikut ti suspek a ni Edgardo Sanchez y Corrales, 34, baro, awanan trabaho ken residente iti nadakamat a lugar, ti maysa cal. 38 revolver, addaan iti tallo a kapsula ken tallo a bala.

Naipan ti suspek iti police station agraman ti paltogna idi awan ti maipakitana a dokumento nga isu ti agtagikua iti armas.

Naipilaan iti kaso a panaglabsing iti PD 1866 as amended by RA 8294 ni Sanchez ket nairekomenda ti piansana a P60,000.#