Lalaki a natiliw nga agikut iti paltog, nabalud

SANTA, Ilocos Sur – Pinili daytoy a lalaki nga usaren ti kalinteganna iti preliminary investigation isu nga agtalinaed iti pagbaludan agingga nga adda resulosion ti kasona.

Maipalagip a natiliwan idi aldaw ti Septiembre 1, 2015 ni Michael Burgos y Azada, 27, naasawaan, ken residente iti Barangay Banaoang, Santa, Ilocos Sur, a naggikut iti homemade shotgun a nagkarga iti maysa a bala, caliber 22 pistol ken maysa a bala para gauge 12 shotgun iti uneg ti Partas Bus.

Naiyendorson iti Provincial Prosecutor, Narvacan, ti kaso a panaglabsing iti RA 10591 maikontra ken ni Burgos ket nai-docket ti kaso iti babaen ti NPS No. I-03-INQ-15L-00187 babaen ti inquest proceeding ngem pinilina nga usaren ti kalinteganna para iti preliminary investigation isu a naikustodia iti police station ditoy, pagur-urayanna iti resolusion ti kasona.#