Lalaki agkalkalap babaen koriente, natiliw

SANTA, Ilocos Sur –┬á Tiniliw┬á dagiti polis ti maysa a lalaki a nasalamaanda nga agkalkalap babaen ti koriente bayat ti insayangkatda nga operasion kontra illegal a panagkalap iti Abra river a sakup daytoy nga ili idi agarup 6:15 ti agsapa ti Disiembre 15.

Nainaganan ti suspek a ni Ernesto Bisnan y Babasa, 57, naasawaan, ken residente iti Barangay Raois, Vigan City.

Nakumpiska ken ni Bisnan ti dua a 12 volts battery, cord, basket ken dadduma pay a paraphernalia para iti panagkalap ken nadumaduma a lames a mapattapatta nga agdagsen iti tallo kilo.

Naipan ni Bisnan iti municipal police station ditoy para iti umisu a disposision.#