Lalaki biktima ti hit and run

SINAIT, Ilocos Sur- Maysa a lalaki ti biktima ti hit and run a napasamak iti national highway a sakup ti Barangay Magsaysay ditoy nga ili itay nabiit.

Pimmusay ni Elpidio Yagyagan Jr., baro, residente iti Barangay Teppeng bayat ti pannakaagasna iti Gabriela Silang General Hospital gapu iti nakaro a sugatna iti ulo ken rupa.

Saan pay nga ammo no ania a klase a lugan ken no asino ti nakadungpar iti biktima.

Dagiti pay la nagresponde a polis ti nangitaray iti biktima iti ospital.#