Lalaki, biktimna ti hit and run

CANDON CITY – Nadunor ti luppo ken saka ti maysa a lalaki gapu iti pannakadungparna iti bus iti Barangay Calaoaan ditoy siudad itay nabiit.

Segun iti report manipud iti polis ditoy, agsikko koma nga agpakannigid ti traysikel a minaneho ni Efren Ramos, 39, residente iti Barangay Allangigan Primero idi nasapgid ti maysa a bus a puon ti nakasugatan ti biktima ken nakadadaelan ti traysikelna.

Nagpakaskas nga immadayo ti di nabigbig a bus kalpasan ti pannungpar.#