SANTIAGO, Ilocos Sur – Naginumda a
dua sada nagkuyog a napan nakiminatay ngem adda dida nagkinnaawatan
ket binagsol ti maysa ti gayyemna.
Binagsol ni Roger Habad ni Romel
Etrata, 33, agkalugaran iti Barangay San Roque, ditoy nga ili
kalpasan a nagringgorda iti maysa a natayan.
Naammuan iti inbestigasion a
sakbay ti insidente, nagginom dagiti dua iti arak sada napan
nakilamay iti natay a kalugaranda ngem adda saanda a nagkinnaawatan
nga aggayyem.
Idi makapanawda iti lamayan,
binagsol metten ti suspetsa ti barukong ti biktima.
Simmuko
ti suspetsa iti barangay captain idinto a naitaray ti biktima iti
ospital.#