Footer

Lalaki, binagsol ti kaarrubana

CANDON CITY – Binagsol ti maysa nga aglaklako iti kalamay ti kaarrubana gapu ta simrek lattan daytoy iti pagtaenganna iti Barangay Calungboyan ditoy.
Binagsol ni Florendo Domingo Ramos, 58, ti kaarrubana a ni Edgar Garabilez a puon ti nakayospitalanna.
Segun iti inbestigasion, mapapati a nagturong ti biktima iti balay ti suspetsa ta maririan iti napigsa a panagpatang dagiti agassawa a kaarrubana.
Idi agariwawa ti biktima, mapapati a nangala ti suspetsa iti kutsilio ket binagsolnan ti biktima.
Naitaray iti ospital ti biktima idinto nga inaresto dagiti polis ti suspetsa.#