Footer

Lalaki, binagsol ti kalugaranna, natay

STA. CRUZ, Ilocos Sur – Saanen a naidanon iti ospital ti biag ti maysa a lalaki a binagsol ti kalugaranna iti Barangay Calaoaan ditoy nga ili.

Naideklara a natayen ti biktima a ni Clemente Madayag, 33, naasawaan, idi maidanon iti ospital kalpasan a mapapati a binagsol ni Ernesto Sibulburo, 46, kalugaranna met laeng.

Iti pakauna nga inbestigasion ti polis, nariingan ni Christopher, 11, anak ti biktima, iti alas onse ti rabii a nabagsolen ti amana iti uneg ti balayda ket nakitana ti suspetsa bayat ti panaglibasna.

Simmuko ti suspetsa iti kapitan ti barangayda.#