Lalaki, binagsol ti kalugaranna

CAOAYAN, Ilocos Sur – Maysa a residente iti Barangay Anonang Menor ditoy nga ili ti binagsol ti kalugaranna idi rabii ti Mayo 29.

Mapapati a dati a susik ti gapu ti panangbagsol ni Joemar Alamar y Briegas, 28, baro, residente iti nadakamat a barangay, ken ni Juanito Pajinno y Manu, 35, naasawaan.

Segun iti report, rimmuar ti biktima iti balayna ket kinomprontana ti suspek gapu iti panaglaawlaawna ket nagtungpal iti panagsubangda.

Mapapati a nangasut ti suspek  ket binagsolna ti biktima.

Naitaray ti biktima iti Gabriela Silang General Hospital gapu iti sugatna iti makannawan a paset ti tianna idinto a boluntario a simmuko ti suspek iti polis kalpasan ti pammagsol.#