VIGAN CITY – Maysa a lalaki ti binugbog ti maysa a grupo dagiti lallaki gapu ta mapapati a dida nagustuan ti imbalikas ti biktima.
Naglak-am iti adu a dugol ken dunor ni Marcos Rosal, 43, agnaed iti Poblacion, San Vicente gapu iti pananglugob kenkuana ti grupo dagiti lallaki iti agdan ti Plaza Salcedo a sumango iti St. Paul Cathedral.
Mapapati nga idi lumabas ti grupo iti yan ni Rosal ken kakaduana, imbalikas ti biktima a kayatna ti mangbugbog ket maipagarup a di nagustuan ti grupo ket dinarupdan ti biktima sada linugoban.
Naipaagas iti Metro Vigan Cooperative Hospital ti nabugbog a biktima.#