Lalaki, dinungpar ti motorista

BANTAY, Ilocos Sur – Nadunor ti maysa a lalaki kalpasan a nadungpar iti motorsiklo iti sanguanan ti maysa a mall ditoy itay nabiit.

Naitaray ni Mark Anthony Ubungen, 23, baro, taga-San Juan, La Union iti Metro Vigan Cooperative Hospital kalpasan a dinungpar ti motorsiklo a minaneho ni Oliver Reduca, 21, baro, residente iti Cabaroan, Sta. Catalina, Ilocos Sur.

Segun iti report, mapapai a kellaat a bimmallasiw ni Ubungen iti kalsada iti sanguanan ti JTC Mall ket saan a napakadaan ni Reduca a puon ti nakadungparanna iti biktima.

Nagsagrap met ni Reduca iti dunor iti nadumaduma a paset ti bagina gapu iti pannakatulid ti motorsiklona.#