SAN ILDEFONSO, Ilocos Sur – Maysa a paltog ti insuko ti maysa a residente iti Barangay Arnap, ditoy nga ili iti polis a mapapati a kinumpiskana iti kinainomna iti balayna idi rabii ti Pebrero 2.
Segun ken ni Ernesto Pido y Mendoza, 53, naasawaan, ken residente iti Barangay Arnap, idi agarup 9:00 ti sardam ti nadakamat a petsa, rinanta ni Harley Gubatan y Bakong, 42, baro, caretaker iti Dela Peña Farm, natibo iti Barangay Bukaw, Benguet ngem agdama nga aggigian iti Barangay Buquig, Bantay, iti balayna ket naginumda.
Kinuna ni Pido nga adda saanda a nagkinnaawatan iti suspek ket inasut daytoy ti paltikna a cal. 45 ngem ginammatanna sana kinumpiska.
Naipan ti suspek ken ti armasna iti police station para iti umisu a disposision.#
