Footer

Lalaki, ginandatna a puoran ti balayda

STA. MARIA, Ilocos Sur.  Gapu iti mapapati a bartekna, ginandat ti maysa a lalaki a puoran ti balayda idiay Barangay Tinaan iti daytoy nga ili.

Segun iti report manipud iti Bureau of Fire Protectioin ditoy, mapapati a nakainom  ni Albin Rabino, 46, residente iti nasao a barangay ket agpupungtot gapu ta saan pay a simmangpet ni baketna a nagbakasion iti Laguna.

Mapapati a ginamporan ni Rabino ti katreda iti unas a nagus-osan sana pinuoran.

Naimbag ta nasiputan dagiti kaarrubana ket nagtitinnulonganda a sinebseb ti apuy.

Temporario a naibalud ni Rabino iti police station tapno mausawan. (Danny Antalan)