CANDON CITY. – Maysa a lalaki ti nagpulong iti polis a hinold-ap ti dua a lalaki iti barangay San Jose iti daytoy a siudad.
Nagpulong iti kuerpo ti pulisia ni Chavit Oria y Caballa, 35, ken residente iti Poblacion Sur, Salcedo, Ilocos Sur a hinold-ap dagiti di nabigbig a tattao ket intarayda ti kuartana nga agdagup iti P7,000.
Iti pulong ti biktima, kinunana a pampanurnorenna ti detour road iti Barangay San Jose idi pinasardeng ti dua a lalaki. Naglugan ti maysa iti likudanna sana impakaammo ti holdap, kasaruno ti panangitutokna iti natadem a banag iti likudanna.
Kinuna ti biktima a kinasakas ti lalaki ti kuartana a P7,000 sa naglugan iti motorsiklo a Yamaha RS 100 a sumarsaruno kadakuada.
Madama ti inbestigasion mainaig iti nasao nga insidente. #