Lalaki, inay-ayamna ti mabagbagina iti eskuela

STA. CRUZ, Ilocos Sur – Nakigtot dagiti mangisursuro ken estudiante iti Sevilla Elementary School ditoy gapu iti iseserrek ti maysa a lalaki sana inay-ayam ti mabagbagina iti sanguananda.

Nainaganan ti exhibitionist a ni Jeff Lacanaria, 22, residente iti Barangay Sevilla ditoy nga ili.

Nagpulong dagiti mangisursuro iti polis ket impanda iti police station.

Segun iti report, simrek ni Lacanaria iti uneg ti pagadalan ket iti sanguanan dagiti mangisursuro ken estudiante, inruarna ti mabagbagina sana inay-ayam.

Daytoy ti umuna a gundaway a makapadas dagiti mangisursuro ken estudiante nga adda exhibitionist a simrek iti pagadalanda.#