Footer

Lalaki, kinabil, binagsol motorista

CANDON CITY – Kinabil ken binagsol ti dua a motorista ti maysa a baro bayat ti pannagnana iti igid ti national highway a sakup ti Barangay Oaig Dayta ditoy iti rabii ti Sabado de Gloria.

Nabigbig ti biktima a ni Ronald Gaoat y Castro, 32, residente iti Barangay Butol, Santiago, Ilocos Sur.

Segun iti report, magmagna ni Gaoat iti igid ti national highway ti nadakamat a barangay idi sinardengan ti dua a lalaki a nagsakay iti motorsiklo ket iti awan a gapu, kinabil ken binagsolda ti biktima.

Mapapati a naagaw ti biktima ti selpon ti maysa kadagiti suspetsa ken nabaelanna ti nagpaarayat. Naitaray ti biktima iti Rasonable Clinic and Hospital.

Addan iti ikut ti polis ditoy ti selpon dagiti suspetsa.#