Lalaki, kinagat ti nakaririna

CANDON CITY – Awan ti mayat nga agbayad iti kinnanda ket iti panagririda, kinagat ti maysa a lalaki ti kalugaranna a nakapingasan ti lapayag daytoy.

Nainaganan ti biktima a ni Arnold Reynante, 20, residente iti Oaig Daya, Candon City, Ilocos Sur idinto a kalugaranna, ni Sonnyboy Garrido, 36, ti nangkagat iti lapayagna.

Segun iti blotter iti polis ditoy, napan nangan dagiti dua iti Franks burger ditoy ngem mapapati a nagpinnatudonda no sino ti mangbayad iti inorderda a nagtungpal iti nabara a diskusionda ken panaggubalda.

Mapapati a kinagat ni Garrido ni Reynante a nakapingasan ti lapayag ti naudi. (Danny Antalan)