Lalaki, nabagsol bayat ti drinking session

SANTA, Ilocos Sur – Nabagsol ti maysa a lalaki bayat ti panaggiinomda iti maysa a balay iti Barangay Casiber ditoy nga ili idi malem ti Oktubre 11.

Segun iti report, sakbay ti pammagsol, aggiinom ken aggaayam iti chess da Cesar Tacal Pescador, 43, naasawaan, ken residente iti Barangay Naglaoaan, Sto. Domingo, Ilocos Sur ken dadduma pay a kakaduana iti  balay ti maysa a Chito Barrientos idi binagsol lattan ni Randy Pascua y Retuta, 28, baro, ken residente iti Barangay Casiber ti biktima nga awan ti gapgapuna.

Naipan ti biktima iti police station ngem imballakad dagitoy nga agpaagas pay ti biktima.

Naglibas ti suspek kalpasan ti pammagsol.#