Lalaki, nabagsol gapu iti paputok

NARVACAN, Ilocos Sur- Gapu iti paputok, nabagsol ti maysa a lalaki a puon ti nakayospitalanna.

Naitaray ni Ronaldo Camarillo, 33, naasawaan, residente iti Barangay Dinalaoan ditoy gapu iti sugatna iti barukongna kalpasan a binagsol ni Santiago Cabello, 66, kalugaranna met laeng.

Segun iti report, pinabasol ni Cabello ti biktima a nagpabettak iti rebentador ket simrek ti biktima ken dua a kakaduana iti inaladan ti suspetsa sa mapapati a kinabilda daytoy.

Bimmales ti suspetsa ket binagsolna ni Camarillo.#

Insuko ti suspetsa ti bagina iti barangay captain ket daytoy ti nanguyog kenkuana a dimmatag iti police station.#