Lalaki, nabagsol gapu iti riri iti natayan

SAN VICENTE, Ilocos Sur- Nabagsol ti maysa a taga-Sta. Catalina, Ilocos Sur bayat ti panagawidna manipud iti maysa a natayan iti Barangay Pudoc ditoy nga ili.

Naitaray iti Metro Vigan Cooperative Hospital ni Domingo Retreta, 45, naasawaan, residente iti Barangay Tamurong, Sta. Catalina gapu iti mapapati a panangbagsol kenkuana ni Florentino Rola, naasawaan, fish dealer, residente iti Barangay Pudoc ditoy nga ili.

Segun iti report, napan nakiminatay dagiti dua ngem adda dida nagkinnaawatan ket immuna a pimmanaw ti suspetsa.

Idi aggawid ni Retreta, mapapati a kellaat nga nagparang ti suspetsa sana binagsol iti namitlo ti bukot ti biktima.

Naglibas ti suspetsa kalpasan ti pammagsol.#