Lalaki, nabagsol iti inuman

ili bayat ti panagiinomda iti maysa a tienda idi malem ti Pebrero 5.

Iti report manipud iti police station ditoy, nabagsol ni Ernesto Lazo y Somera, 59, naasawaan, bayat ti panagiinomda iti kasinsinna iti Gemma Store ket nainaganan ti bimmagsol kenkuana a maysa a James Garabiles y Laranang, 46, kalugaranna met laeng.

Iti panagimbestiga dagiti polis, bayat ti inuman, simmangpet ti suspek ket iti awan a rason, nagsinnungbatda iti biktima.

Inasut ni Garabiles ti balisongna sana binagsol ti tian ni Lazo.

Naitaray nga immuna ni Lazo iti Ilocos Sur District Hospital, Barangay Bio sa naiyalis iti Ilocos Training and Regional Center, San Fernando City, La Union.

Naaresto ni Garabiles babaen ti hot pursuit operation nga inwayat dagiti polis.#