Lalaki, nadukotan iti pagtagilakuan

VIGAN CITY- Ballaag kadagiti umili: Agannad kadagiti agdudukot kadagiti pagtagilakuan ken ayan dagiti adu a tattao amangan no dakayo ti sumaruno a biktimaenda.

Maysa a lalaki ti nadukotan iti dokumento bayat ti kaaddana iti uneg ti Two Brothers Grocery ditoy siudad idi Enero 6.

Inreport ni Aristotle Mercado y Castillo Jr., 30, residente ti Cabugao, Ilocos Sur a nadukot ti petakana a naglaon iti P 12,000 ken pappapeles bayat ti panaggatangna iti nadakamat a pagtagilakuan.

Saan pay nabigbig ti nangdukot iti biktima.#