Footer

Lalaki, naduktalan a natay iti bus

STA. MARIA, Ilocos Sur – Maysa a lalaki ti naduktalan a natayen iti uneg ti maysa a bus a naggapu iti Cubao.

Segun iti report, gimmatang ni Francis Mendoza, 30, baro, agnaed iti Barangay Lesseb ditoy nga ili, iti tiketna iti terminal ti Partas Bus iti Cubao, Quezon City ket agdissaag koma iti Sta. Maria, Ilocos Sur.

Idi asidegen ti pagdissaagan ti biktima, pinakaammuan ti konduktor ngem di met nagkir-in daytoy iti tugawna.

Nagpatulong ti konduktor kadagiti dadduma a pasahero ket intarayda ti pasahero iti Sto. Nino Hospital ditoy nga ili ngem awanen ti biag daytoy.

Mapapati a naatake ti lalaki a puon ti nakatayanna.#