Footer

Lalaki, nadungpar idi bumallasiw iti kalsada

CANDON CITY – Nadungpar iti motorsiklo ti maysa a lalaki iti Barangay San Antonio ditoy a puon ti nakayospitalanna.

Naitaray iti Candon General Hospital ni Joseph Enrade, 25, residente iti barangay Tablac, ditoy siudad gapu iti sugatna iti ulo ken likod kalpasan a dinungpar ni Michael Gadingan, 17, residente iti Parioc Segundo, ditoy met laeng a siudad.

Naammuan iti inbestigasion dagiti polis a dinungpar ni Gadingan a nakalugan iti MCX a motorsiklo ti biktima idi bumallasiw daytoy iti kalsada a batog ti Mercury Drug Store.#